દિવાળી કે લાંબી મુસાફરી માટે સ્કૂટર મૂકીને જવું

અઠવાડિયાં સુધી પૂરી ભરેલી પડી રહેતી લિથિયમ બેટરી ઝડપથી ઘસાય છે, ખાસ કરીને ગરમીમાં. Battery University લિથિયમ-આયનને આશરે 40 % પર ઠંડી જગ્યાએ રાખવાની સલાહ આપે છે, અને સ્કૂટર કંપનીઓ સામાન્ય રીતે 40–60 % કહે છે. લગભગ ખાલી પણ ક્યારેય ન મૂકો: બેટરી પોતાની મેળે ધીમે ધીમે ચાર્જ ગુમાવે છે, અને બહુ નીચે ગયેલો સેલ પાછો ન આવે એવું બને.

લેડ-એસિડ તેનાથી ઊલટું છે. અડધી ખાલી રહે તો તેની પ્લેટ પર સલ્ફેટ જામે છે અને ક્ષમતા ઘટે છે, એટલે તેને પૂરી ચાર્જ કરીને રાખવી અને નિયમિત ચાર્જ કરવી.

• ચાર્જ કરતા પહેલાં બેટરીના ખોખામાં ફુલાવો, તિરાડ કે લીકેજ તો નથી ને, તે જુઓ.
• તમે નજીક હો ત્યારે ઓરિજિનલ ચાર્જરથી ચાર્જ કરો, અને ટાયર તથા બ્રેક તપાસો.
• ચાર્જ ન થાય કે ચાલુ ન થાય, તો વારંવાર પ્રયત્ન ન કરો — અમારી સર્વિસ લાઇન 99091 21102 પર કૉલ કરો.